Danimarka, Norvegjia dhe Suedia kanë njoftuar një angazhim të përbashkët prej afërsisht 500 milionë dollarësh për të blerë armë amerikane, si pjesë e programit të mbështetjes ushtarake të koordinuar nga NATO.
“Jam mirënjohës ndaj Danimarkës, Norvegjisë dhe Suedisë për veprimin e tyre të shpejtë për të financuar një paketë mbështetjeje ushtarake amerikane për Ukrainën”, shkroi Sekretari i Përgjithshëm i NATO-s, Mark Rutte, në X, duke vënë në dukje se kjo nismë do të sigurojë pajisje shpëtimtare dhe furnizime thelbësore në vijën e frontit.
Rutte shtoi se një nismë e tillë forcon pozicionin e Ukrainës dhe e ndihmon që të pengojë agresionin në kërkim të një paqeje të qëndrueshme.
Presidenti i SHBA-së, Donald Trump, tha muajin e kaluar se Shtetet e Bashkuara do të furnizonin me armë Ukrainën, të paguara nga aleatët evropianë, por nuk tregoi se si do të bëhej një gjë e tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
