Çmimi i naftës së papërpunuar Brent ka arritur në 100 dollarë për fuçi për herë të parë që nga maji, si pasojë e përshkallëzimit të konfliktit në Lindjen e Mesme dhe shqetësimeve për furnizimet globale me energji.
Nafta Brent u rrit me mbi 6% pasi Shtetet e Bashkuara intensifikuan sulmet ndaj Iranit, ndërsa sulmet e milicisë Huthi ndaj cisternave në Detin e Kuq shtuan pasigurinë në një nga rrugët kryesore të eksportit të naftës.
Rritja e çmimit të naftës po reflektohet edhe te karburantet. Në Mbretërinë e Bashkuar dhe SHBA, benzina është shtrenjtuar javët e fundit, ndërsa analistët paralajmërojnë se çmimet e larta të energjisë mund të nxisin një valë të re inflacioni dhe të rrisin kostot për konsumatorët.
Ndërkohë, armëpushimi i përkohshëm mes SHBA-së dhe Iranit ka dështuar, duke rikthyer tensionet në rajon. Autoritetet amerikane kanë bërë të ditur se mbeten të përqendruara në ruajtjen e stabilitetit ekonomik, ndërsa Rezerva Federale ka lënë të pandryshuara normat bazë të interesit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
