Një punonjëse e bibliotekës nga Ripley, Virxhinia Perëndimore, është arrestuar me akuzën e përpjekjes për të rekrutuar njerëz në mediat sociale për të vrarë Presidentin Donald Trump.
New York Post raporton se gruaja në fjalë është Morgan L. Morrow, 39 vjeç, e cila u arrestua pasi postoi një video në TikTok që besohet se po nxiste vrasjen e presidentit të Shtëpisë së Bardhë.
Morrow dyshohet se shkroi: “A nuk ka vërtet ndonjë snajperist të sëmurë terminal midis 343 milionë njerëzve?”
Autoritetet e interpretuan si një kërcënim të drejtpërdrejtë ndaj Presidentit.
Ajo u akuzua për kërcënime terroriste dhe gjatë marrjes në pyetje nga policia, pranoi se mesazhi ishte i menduar si një kërcënim për Presidentin Donald Trump, ndërsa pohoi se nuk kishte ndërmend të ndërmerrte veprime personalisht.
Sherifi i Qarkut Jackson, Ross Mellinger, shpjegoi se deklarata si ajo e Morrow konsiderohen të rrezikshme sepse janë të projektuara për të inkurajuar ose frymëzuar të tjerët që të kryejnë aktin e kërcënuar, duke shtuar se “Është legjitime të kritikosh qeverinë, por promovimi i dhunës është tejkalim i vijës së drejtë”.
Biblioteka publike e qarkut është distancuar nga sjellja e punonjëses, ndërsa Morrow mbahet në Burgun Rajonal të Qendrës Jugore në pritje të zhvillimeve të mëtejshme hetimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
