Një fabrikë për prodhimin e dronëve në Kiev, në pronësi të kompanisë amerikane Terminal Autonomy, është goditur nga një raketë balistike ruse, në atë që konsiderohet rasti i parë kur një objekt në pronësi të një korporate amerikane bëhet objektiv i drejtpërdrejtë në Ukrainë.
Kompania, e regjistruar në Delaware në vitin 2023, prodhon dronë precizë të pajisur me sisteme të inteligjencës artificiale, të aftë të vazhdojnë misionin edhe në kushte të bllokimit të sinjaleve elektronike.
Sipas mediave ruse, në fabrikë prodhoheshin modelet AQ-400 Scythe dhe AQ-100 Bayonet.
Ish-oficeri i inteligjencës amerikane Anthony Vinci deklaroi se për Rusinë nuk ka rëndësi pronësia e objektit, por roli i tij ushtarak, duke theksuar se çdo strukturë që prodhon armë për Ukrainën mbetet objektiv i mundshëm.
Sipas një burimi të afërt me kompaninë, nga sulmi nuk pati viktima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
