Presidenti amerikan, Donald Trump, konfirmoi të mërkurën se autorizoi Agjencinë Qendrore të Inteligjencës të kryejë operacione të fshehta në Venezuelë, duke shënuar një përshkallëzim të mprehtë në përpjekjet e SHBA-së për të ushtruar presion mbi qeverinë e Presidentit Nicolas Maduro.
Duke folur në Shtëpinë e Bardhë, Trump tha se SHBA-të “po shqyrtojnë mundësinë e përdorimit të tokës” ndërsa shqyrtojnë sulme të mëtejshme ndaj karteleve të drogës në rajon.
Gazeta New York Times raportoi e para për direktivën e klasifikuar, duke cituar zyrtarë amerikanë të njohur me vendimin, të cilët thanë se strategjia e administratës Trump për Venezuelën synon të largojë Maduron nga pushteti.
Administrata ka ofruar 50 milionë dollarë për informacion që çon në arrestimin dhe dënimin e Maduros për akuzat e trafikimit të drogës.
Nicolas Maduro, legjitimiteti i të cilit si president i Venezuelës është kontestuar ndërkombëtarisht pas zgjedhjeve të diskutueshme të vitit të kaluar, bëri thirrje në televizion për paqe me SHBA-në.
Prania e shtuar ushtarake amerikane në rajon ka rritur frikën në Karakas për një sulm të mundshëm.
Sipas New York Times, autorizimi i Trump do t’i lejonte CIA-s të kryente operacione në Venezuelë në mënyrë të njëanshme ose si pjesë e çdo aktiviteti më të gjerë ushtarak amerikan.
E autorizuat CIA-n të hynte në Venezuelë për dy arsye. Së pari, Venezuela i kanë zbrazur burgjet e tyre drejt Shteteve të Bashkuara të Amerikës. Dhe gjëja tjetër janë drogat. Ne kemi shumë drogë që vjen nga Venezuela, dhe shumë drogëra venezueliane vijnë nga deti, por ne do t’i ndalojmë ata edhe nga toka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
