Çmimet e arit dhe argjendit arritën nivele rekord në fund të vitit 2025, ndërsa investitorët kërkuan “siguri” përpara tensioneve gjeopolitike dhe pasigurisë ekonomike globale.
Ari u rrit deri në 4,481 dollarë për onsë troi, duke regjistruar një rritje prej rreth 55–70% krahasuar me vitin e kaluar, ndërsa argjendi tejkaloi pritshmëritë, duke u rritur me 130–140% dhe duke u afruar pranë 70 dollarë për onsë.
Sipas Euronews, rritja e çmimeve u nxitur nga tensionet në Venezuelë, veçanërisht pas përpjekjeve të Marinës amerikane për të marrë kontrollin e një tanker-i të lidhur me vendin amerikan jugor. Edhe pse çmimet e arit dhe argjendit nuk lidhen drejtpërdrejt me Venezuelën, investitorët i shohin këto tensione si shenjë rreziku në tregjet energjetike dhe politike.
Gjatë vitit 2025, metalet e çmuara reaguan gjithashtu ndaj tensioneve në Lindjen e Mesme, tarifave tregtare të SHBA-së dhe pritshmërive për politika monetare më të lehta, duke bërë që ari të kalojë disa herë mbi 3,000 dhe më pas mbi 4,000 dollarë për onsë. Argjendi shënoi gjithashtu rritje të ndjeshme, duke arritur rekorde historike.
Ekspertët theksojnë se ari dhe argjendi janë investime të sigurta sepse nuk varen nga qeveritë apo kompanitë dhe janë më të vështira për t’u bllokuar nga sanksionet. Kjo i bën ato opsion të preferuar për investitorët në kohë pasigurie.
Në përfundim, viti 2025 është shënuar si viti i metaleve, ku rritjet historike të çmimeve pasqyrojnë jo vetëm pasigurinë globale, por edhe nevojën e investitorëve për të mbrojtur kapitalin e tyre në kohë krizash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
