Donald Trump njoftoi të enjten masa për të ulur kostot shumë të larta të fertilizmit in vitro (IVF) në Shtetet e Bashkuara, një nga premtimet e tij të fushatës.
"Ne duam ta bëjmë më të lehtë për të gjitha çiftet që duan të kenë fëmijë", tha republikani gjatë një konference për shtyp në Shtëpinë e Bardhë kushtuar kësaj teknike të riprodhimit të asistuar.
Kostoja e fertilizimit in vitro në Shtetet e Bashkuara sot mund të arrijë dhjetëra mijëra dollarë dhe rrallë mbulohet nga sigurimi shëndetësor, gjë që kufizon shumë aksesin.
“Shtetet e Bashkuara tani do t'u ofrojnë amerikanëve mundësinë për të blerë disa trajtime të fekondimit in vitro me çmime të ulura”, njoftoi presidenti, duke premtuar se çmimet do të bien ndjeshëm.
“Disa nga këto trajtime hormonale do të jenë të disponueshme për blerje në një faqe interneti duke filluar nga fillimi i vitit 2026”, tha një zyrtar i Shtëpisë së Bardhë, duke paralajmëruar se zbritjet do të ndryshojnë në varësi të të ardhurave të tatueshme të blerësve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
