Të paktën 66 persona kanë humbur jetën, ndërsa qindra mijëra të tjerë kanë braktisur shtëpitë e tyre, ndërsa një nga tajfunët më të fortë të këtij viti përfshiu Filipinet.
Tajfuni Kalmaegi ka përmbytur qytete të tëra në ishullin qendror më të populluar të Cebusë, ku u gjetën 49 viktima.
“Njëzet e gjashtë të tjerë rezultojnë të zhdukur”, tha një zyrtar i mbrojtjes civile në një intervistë radiofonike të mërkurën.
Numri zyrtar i të vdekurve përfshin gjashtë anëtarë të ekuipazhit të një helikopteri ushtarak që u rrëzua në ishullin Mindanao, në jug të Cebu-s, pasi u dërgua për të ndihmuar në përpjekjet e ndihmës.
Avioni u rrëzua të martën pranë Agusan del Sur dhe ishte një nga katër të dërguarit për të ndihmuar.
Tajfuni, i quajtur Tino, është dobësuar që kur zbarkoi në tokë herët të martën, por ka vazhduar të sjellë erëra me shpejtësi mbi 130 km/orë.
Parashikohet që deri të mërkurën të lëvizë nëpër rajonin e ishujve Visayas dhe mbi Detin e Kinës Jugore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
