Përmbytjet në Azi, më shumë se 1 mijë të vdekur

Përmbytjet kanë shkaktuar më shumë se 1,000 vdekje dhe disa qindra të zhdukur në katër vende aziatike ditët e fundit.

Një ciklon në Sri Lanka dhe një stuhi e jashtëzakonshme në Tajlandë, Malajzi dhe Indonezi, veçanërisht në ishullin e madh të Sumatrës, kanë sjellë shira të rrëmbyeshëm në rajon, tashmë në mes të sezonit të musoneve. 

Në Sumatra, numri i të vdekurve nga përmbytjet u rrit përsëri të hënën, duke arritur në 502, me më shumë se 500 persona ende të zhdukur, njoftoi agjencia e menaxhimit të fatkeqësive. 

Kjo shifër e fundit, e përkohshme, e çon numrin e përgjithshëm të vdekjeve në këtë valë të fundit përmbytjesh në Azi në mbi 1,000.

Përmbytjet që goditën Indonezinë, Tajlandën dhe Malajzinë u përkeqësuan nga një stuhi tropikale e jashtëzakonshme, veçanërisht në Sumatra. 

Të paktën 176 persona humbën jetën në Tajlandën jugore në një nga përmbytjet më vdekjeprurëse që vendi ka parë në një dekadë.