Rifillojnë në Katar bisedimet indirekte SHBA-Iran, Vance: Në çdo rast nuk do ta kenë armë bërthamore

Në Katar kanë rifilluar bisedimet indirekte mes Shteteve të Bashkuara dhe Iranit, ndërsa tensionet në rajon mbeten të larta. 

Zëvendëspresidenti amerikan J.D. Vance deklaroi se “në çdo rast ata nuk do ta kenë armën bërthamore”. 

Sipas New York Times, Omani ka hartuar një propozim për një menaxhim të ri të Ngushticës së Hormuzit, në bashkëpunim me Iranin. 

Sipas planit, anijet do të paguanin një tarifë vullnetare, e cila do të përdorej për shërbime navigimi, sigurie dhe mjedisore. 

Në Doha, përfaqësuesi special i Bashkimit Europian për Gjirin, Luigi Di Maio, është takuar me Al Thanin, me synimin për të mbështetur përpjekjet e ndërmjetësimit të Katarit mes SHBA-së dhe Iranit. 

Presidenti amerikan Donald Trump foli për një “takim në Doha mbi situatën në Iran”, por Teherani e mohoi një gjë të tillë. 

Ndërkohë, Hezbollah ka denoncuar shkelje të reja të armëpushimit në Liban dhe ka theksuar se “ruajmë të drejtën për të mbrojtur atdheun”. 

Ushtria izraelite tha se ka goditur tre shtabe të Hezbollahut në jug të Libanit.