Autoritetet spanjolle kanë bastisur laboratorin kërkimor IRTA-CReSA në Katalonjë, si pjesë e një hetimi për të përcaktuar nëse një shpërthim i murtajës afrikane të derrave, që ka vrarë 26 derra të egër, ka origjinën në ambiente laboratorike.
Sipas hetimeve, analiza gjenetike e virusit përputhet me një shtam të përdorur zakonisht në kërkime shkencore, duke rritur dyshimet mbi një rrjedhje të mundshme nga laboratorët përreth zonës së prekur. Autoritetet kanë vendosur masa kufizuese në disa zona të Barcelonës për të parandaluar përhapjen e mëtejshme të sëmundjes.
Hetimi po zhvillohet nga një ekip i përbashkët i policisë katalanase dhe Guardia Civil, ndërsa çështja mbetet nën sekret gjyqësor, raporton Euronews.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
