Të paktën 39 persona kanë humbur jetën në një përplasje trenash në Jug të Spanjës dhe dhjetëra të tjerë janë plagosur në aksidentin më të rëndë hekurudhor të vendit në më shumë se një dekadë, bëri të ditur Garda Civile spanjolle.
Vagonët e një treni që po shkonte nga Malaga drejt Madridit dolën nga shinat dhe kaluan në binarët e kundërt, duke u përplasur me një tren që po vinte përballë në Adamuz, të dielën në mbrëmje.
Sipas rrjeteve hekurudhore, në të dy trenat ndodheshin rreth 400 pasagjerë dhe anëtarë të stafit.
Shërbimet e emergjencës u dhanë ndihmë 122 personave, ndërsa 48 prej tyre, përfshirë pesë fëmijë, vazhdojnë të jenë të shtruar në spital. Nga këta, 11 të rritur dhe një fëmijë ndodhen në kujdes intensiv.
Ministri spanjoll i Transportit, Óscar Puente, e përshkroi incidentin si “jashtëzakonisht të çuditshëm”, ndërsa autoritetet nisën një hetim. Të gjithë ekspertët hekurudhorë të konsultuar nga qeveria “janë jashtëzakonisht të hutuar nga aksidenti”, u tha Puente gazetarëve në Madrid.
Operatori i rrjetit hekurudhor Adif njoftoi se përplasja ndodhi në orën 19:45 sipas kohës lokale. Ai shtoi se shumica e të vrarëve dhe të plagosurve ndodheshin në vagonët e përparmë të trenit të dytë, i cili po udhëtonte nga Madridi drejt Huelvës.
Lloji i trenit i përfshirë në aksident ishte një Freccia 1000, i cili mund të arrijë shpejtësi maksimale deri në 400 km/orë. Ekipet e shpëtimit thanë se rrënojat e bënë të vështirë nxjerrjen e personave të bllokuar brenda vagonëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
