Irani ekzekutoi të mërkurën një burrë të dënuar për spiunazh për Izraelin dhe për dhënien e informacionit në lidhje me një shkencëtar bërthamor të vrarë në sulmet e qershorit të Izraelit ndaj Republikës Islamike, raportoi agjencia e lajmeve Mizan.
Raporti tha se burri, i quajtur Rouzbeh Vadi, kishte punuar “në një nga organizatat e rëndësishme dhe të ndjeshme të Iranit”, pa hyrë në detaje të mëtejshme.
Ekzekutimet e iranianëve të dënuar për spiunazh për Izraelin janë rritur ndjeshëm këtë vit, me të paktën tetë dënime me vdekje të kryera në muajt e fundit.
Raporti tha se Vadi kishte“kryer një gamë të gjerë krimesh kundër sigurisë së brendshme dhe të jashtme të vendit, të cilat kanë shkaktuar përçarje të rënda të rendit publik.
Izraeli nisi 12 ditë sulme ajrore në qershor, duke synuar gjeneralët dhe shkencëtarët bërthamorë të Iranit. Irani u kundërpërgjigj me breshëri raketash dhe dronësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
