Rusia dhe Ukraina kryen një shkëmbim prej 205 të burgosurish lufte të premten, njoftoi Ministria Ruse e Mbrojtjes.
“Më 15 maj, 205 ushtarakë rusë u kthyen nga territori i kontrolluar nga regjimi i Kievit. Në këmbim, u transferuan 205 të burgosur lufte të Forcave të Armatosura të Ukrainës”, thuhet në deklaratë.
Sqarohet se Emiratet e Bashkuara Arabe ofruan përpjekje ndërmjetësimi humanitar gjatë kthimit të ushtarakëve rusë nga robëria.
“I gjithë personeli ushtarak rus do të transportohet në Federatën Ruse për trajtim dhe rehabilitim në mjediset mjekësore të Ministrisë së Mbrojtjes Ruse”, thuhet në deklaratë.
Herën e fundit që Rusia dhe Ukraina kryen një shkëmbim të burgosurish ishte më 11 prill, në një format 175 për 175.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
