Koreja e Jugut regjistroi të dielën temperaturën më të lartë që nga fillimi i regjistrimeve në vitin 1904, ku termometri shënoi 42.5 gradë Celsius në Yangsan në pjesën juglindore të vendit, njoftoi Administrata Kombëtare Meteorologjike.
Temperatura në qytet, i vendosur pranë portit të Busanit, arriti në 42.5 gradë Celsius në orën 13:26 sipas orës lokale, tha agjencia në faqen e saj të internetit.
Kjo është dita e pestë radhazi që Yangsan ka regjistruar temperatura që tejkalojnë 40 gradë Celsius.
Rekordi i ri vjen në një kohë kur paralajmërimet për valë të nxehti janë lëshuar për shumicën e 51 milionë banorëve të vendit.
Shumë qytete po regjistrojnë temperatura rreth 30 gradë Celsius. Më shumë se njëzet zona janë vënë në nivelin më të lartë të paralajmërimit për vapë të fortë.
Sipas Administratës Kombëtare Meteorologjike, numri mesatar vjetor i ditëve me valë të nxehti në vend është rritur nga 8 në vitet 1970, në 19 në pesë vitet e fundit.
Një ditë me valë të nxehti konsiderohet ajo kur temperatura maksimale është të paktën 33 gradë Celsius.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
