Autoritetet e Koresë së Jugut urdhëruan evakuimin e ndërtesave të hënën pas një rrjedhjeje fosfori të bardhë brenda Bazës Ajrore Amerikane Osan në jug të Seulit, njoftoi Ministria e Sigurisë Kombëtare.
Nuk u raportuan viktima dhe paralajmërimi për evakuim u hoq rreth gjysmë ore më vonë, ndërsa Shërbimi i Zjarrfikësve të Koresë së Jugut dhe forcat amerikane kryen punë dekontaminimi, raportoi agjencia e lajmeve Yonhap.
“Në orën 17:08 (sipas orës lokale), për shkak të një ngjarjeje të paparashikuar dhe për arsye thjesht paraprake, Osan AB instaloi një kordon sigurie me qëllim mbrojtjen e bazës dhe popullsisë lokale. Ekipet e ndihmës së shpejtë po e trajtojnë çështjen me kujdesin dhe sigurinë më të madhe”, tha baza në një deklaratë.
Një zëdhënës i bazës ajrore tha se kishte ndodhur një aksident me municione dhe se situata po vlerësohej.
Fosfori i bardhë është një substancë shumë toksike që mund të ndizet në kontakt me ajrin dhe përdoret për të krijuar re tymi në fushën e betejës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
