Çmimet globale të naftës shënuan rritje të enjten në tregjet aziatike, pas deklaratave të autoriteteve iraniane që hodhën poshtë mundësinë e negociatave të drejtpërdrejta me Shtetet e Bashkuara të Amerikës.
Ministri i Jashtëm i Iranit, Abbas Araghchi, deklaroi për mediat shtetërore se vendi i tij “nuk ka ndërmend të negociojë për momentin” me SHBA-në. Ai theksoi se komunikimet mes Teheranit dhe Uashingtonit janë zhvilluar vetëm përmes vendeve ndërmjetëse, duke shtuar se kjo nuk përbën negociata të mirëfillta.
Nga ana tjetër, Presidenti i SHBA-së, Donald Trump, reagoi duke deklaruar se liderët iranianë kanë “frikë” të pranojnë se janë të përfshirë në bisedime.
Pas këtyre zhvillimeve, çmimi i naftës bruto Brent u rrit me 1.6%, duke arritur në 103.85 dollarë për fuçi. Ndërkohë, nafta amerikane West Texas Intermediate (WTI) u rrit me 1.4%, duke shkuar në 91.61 dollarë për fuçi.
Analistët vlerësojnë se tensionet gjeopolitike dhe pasiguria në marrëdhëniet SHBA-Iran vazhdojnë të ndikojnë drejtpërdrejt në tregjet globale të energjisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
