Operacioni ushtarak “Stuhia” i 30 viteve më parë, më 1995-n, u festua me parakalim ushtarak në Zagreb të Kroacisë e me përkujtimore në Kishën e Shën Markut në Beograd.
Sipas presidentit serb, Aleksandër Vuçiç, serbët kanë vuajtur padrejtësitë më të mëdha këto 30 vitet e fundit.
Perëndimi shkatërroi ish-Jugosllavinë. Bënë komplote e plane për të shkatërruar Krajinën serbe dhe e morën brenda pak ditësh. Serbia ishte e dobët dhe bota e padrejtë. Ishte e vështirë dhe e neveritshme për serbët të shihnin si dëboheshin 250 mijë serbë. Pastaj na thanë se Kosova është e juaja por na morët territorin. Më pas na thatë se edhe Mali i Zi nuk mund të qëndrojë me ju. Por as kjo nuk mjaftoi. Shikoni fatet e presidentëve të Republikës Srpska - asnjërit prej tyre nuk iu lejua të përfundonte mandatet në paqe dhe normalisht.
Me anë të operacionit ushtarak të koduar “Stuhia”, Kroacia rivendosi kontrollin ndaj tërësisë territoriale të saj dhe Zagrebi e festoon 5 gushtit si fitore ndaj shovinizmit serb. Beogradi pretendon se gjatë operacionit “Stuhia” janë vrarë 2 500 serbë, ndërsa rreth 200 mijë të tjerë janë dëbuar nga territoret e Kroacisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
