Autoritetet kolumbiane kanë njoftuar dëbimin e nëntë anëtarëve të një sekti ultra-ortodoks hebre të akuzuar për abuzim seksual me fëmijë, pak më shumë se një javë pasi zyrtarët e emigracionit thanë se kishin shpëtuar 17 të mitur nga grupi.
Sekti Lev Tahor është hetuar për abuzim me fëmijë në disa vende, përfshirë Meksikën dhe Kanadanë.
Imazhet e publikuara nga autoritetet kolumbiane tregojnë anëtarë të sektit të veshur me rroba të zeza duke kaluar nëpër kontrollin e sigurisë në aeroportin e Medellin për të hipur në një fluturim për në Nju Jork dhe për t’u pritur nga autoritetet amerikane.
Një zëdhënës i agjencisë së emigracionit të Kolumbisë tha se disa nga të miturit, nga vende të ndryshme, përfshirë Shtetet e Bashkuara të Amerikës dhe Guatemalën, u transferuan në SHBAme të njëjtin fluturim për t’u vendosur nën kujdesin e Shërbimeve Amerikane të Mbrojtjes së Fëmijëve.
Lev Tahor i cili në hebraisht do të thotë “zemër e pastër”, u formua në vitet 1980, ku disa anëtarë u vendosën në Guatemalë në vitin 2013.
Autoritetet vlerësojnë se komuniteti përbëhet nga rreth 50 familje nga Guatemala, Shtetet e Bashkuara, Kanadaja dhe vende të tjera. Interpoli ka lëshuar urdhër-arreste për disa nga udhëheqësit e grupit.
Në dhjetor 2024, autoritetet guatemaleze shpëtuan 160 të mitur nga një fermë e zënë nga Lev Tahor dhe prokurorët thanë se ata ishin nënshtruar shtatzënisë së detyruar, abuzimit dhe përdhunimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
