Policia kundër terrorizmit ka nisur një hetim urgjent për të zbuluar nëse Irani qëndron pas një komploti të dyshuar me bombë në Britaninë e Madhe.
Alarmi u ngrit pasi oficerë të armatosur zbuluan lëndë eksplozive brenda tre furgonëve të parkuar vetëm pak minuta larg bazës ajrore RAF Fairford në Gloucestershire, një pikë strategjike e ushtrisë amerikane për misionet kundër Iranit.
Pesë persona janë arrestuar nën akuzat për terrorizëm dhe përgatitje të sulmeve, ndërsa hetuesit dyshojnë se materialet e gjetura janë pajisje shpërthyese të improvizuara.
Komploti u zbulua rastësisht falë vigjilencës së një qytetari, i cili njoftoi policinë natën vonë pasi vuri re lëvizje të dyshimta të furgonëve drejt bazës ushtarake.
Operacioni i madh policor detyroi evakuimin e menjëhershëm të 85 familjeve në fshatin Whelford, ndërsa skuadrat e xhenierëve dhe robotët e ushtrisë rrethuan zonën për të çaktivizuar dhe ekzaminuar mjetet shpërthyese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
