Ukraina ka deklaruar se ka kryer sulme me dronë në thellësi të territorit rus, duke goditur një terminal të madh nafte në Primorsk, në Detin Baltik, dhe një rafineri në rajonin e Ufës, më shumë se 1,400 kilometra larg kufirit, njofton aljazeera.com.
Sipas zyrtarëve ukrainas, sulmet janë pjesë e një strategjie për të dobësuar aftësinë e Rusisë për të financuar luftën, duke synuar sektorin energjetik – burimin kryesor të të ardhurave të shtetit rus.
Pamjet satelitore dhe videot që qarkulluan në rrjet treguan zjarre të mëdha dhe tym të dendur në terminalin e Primorskut.
Raportimet tregojnë se janë goditur rezervuarë karburanti dhe infrastruktura e ngarkimit, duke shkaktuar ndërprerje të operacioneve.
Autoritetet ruse thanë se shumë dronë u rrëzuan nga mbrojtja ajrore, por disa arritën objektivat.
Primorsk është një nga portet më të mëdha të eksportit të naftës në Rusi dhe një nyje kritike për furnizimin global.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
