Harrison Ford tha se sulmi i Donald Trump ndaj masave për të adresuar krizën klimatike e frikëson dhe e bën presidentin amerikan një nga kriminelët më të këqij në histori.
Në një intervistë me The Guardian, e cila rezultoi një sulm i ashpër ndaj presidentit amerikan, aktori amerikan deklaroi se “Trump nuk ka politika, vetëm shpërthime të tërbimit. Më frikëson për vdekje. Injoranca, arroganca, gënjeshtrat, pabesia. E di këtë, por ai është një mjet i status quo-së dhe po fiton shumë para ndërsa bota po shkatërrohet”.
Aktori legjendar i Star Wars dhe Indiana Jones, 83 vjeç, shtoi më tej, “Është e pabesueshme. Nuk njoh një kriminel më të madh në histori”.
“Ndryshimi i klimës ishte mashtrimi më i madh i kryer ndonjëherë ndaj botës”, deklaroi Trump gjatë një fjalimi në Kombet e Bashkuara muajin e kaluar.
Nëse nuk çliroheni nga ky mashtrim i gjelbër, vendi juaj do të dështojë. Keni nevojë për kufij të fortë dhe burime tradicionale të energjisë nëse doni të jeni përsëri të mëdhenj.
Ford, i njohur si ambientalist prej kohësh, tha se qëndrimi i presidentit amerikan ndaj krizës klimatike ishte një shprehje e qartë e injorancës, arrogancës dhe dredhisë së qëllimshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
