Algjeri- Të paktën 25 persona kanë vdekur dhe 44 të tjerë janë plagosur në një aksident rrugor këtë mëngjes në provincën Boumerdès, ku një autobus pasagjerësh doli nga rruga dhe u përmbys, duke përfunduar në një hendek.
Sipas Agjencisë së Mbrojtjes Civile, aksidenti ndodhi në orën 9:41 të mëngjesit.
Operacionet e shpëtimit dhe evakuimi i të lënduarve në spital janë ende duke vazhduar, dhe numri i të vdekurve mund të rritet.
Tre automjete emergjence dhe 11 ambulanca u dërguan për operacionin e shpëtimit.
Sipas informacioneve paraprake, autobusi po vinte nga provinca Sétif, në lindje të vendit. Disa familje, përfshirë gra dhe fëmijë, ishin në bord.
Pas tragjedisë, kryeministri algjerian Sifi Ghrieb dhe Ministri i Brendshëm dhe Transportit Saïd Saïoud vizituan vendin e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
