Kontratat publike në Rumani për furnizimin me pajisje mjekësore të disa spitaleve gjatë pandemisë Covid-19 janë vënë nën hetimi nga Zyra e Prokurorit Publik Europian. Bëhet fjalë për një rast mashtrimi që kalon vlerën e 9 milion eurove. Në ndjekje penale janë dy kompani dhe 6 persona.
Sipas deklaratës së Prokurorit Publik Europian, përfaqësuesit e kompanive që fituan tenderat dyshohen se kanë korruptuar zyrtarë publikë në një spital në Brasov me qëllim që të përshtasnin specifikimet në favor të tyre.
Zyrtarët e përfshirë dyshohet se kanë kërkuar dhe marrë ryshfete që korrespondojnë me 5% të shumës totale të kontratës.
Bëhet fjalë për një rrjet kriminal që u formua në vitin 2020 dhe 2021 për të manipuluar prokurimin publik të maskave mbrojtëse, dezinfektantëve dhe furnizimeve të tjera mjekësore për spitalet, shkollat dhe institucionet shtetërore, në dobi të furnizuesve që ishin pjesë e skemës kriminale.
Një total prej 29 tenderash iu dhanë përfaqësuesve të kompanive që ishin pjesë e këtij grupit kriminal, i cili përdori dy firma konsulence, për të hartuar kriteret dhe për të eliminuar konkurrencën.
Duke kontrolluar përgatitjen e dokumenteve të projektit, firmat konsulente arritën të strukturonin aplikimet për financim në një mënyrë që lejonte që prokurimet të caktoheshin në shumat maksimale të lejuara nga autoriteti menaxhues, duke kufizuar kështu konkurrencën reale dhe duke lehtësuar keqpërdorimin e fondeve publike.
Për më tepër, firmat konsulente përdorën dokumente të rreme ose të pasakta.
Prokurorët kryen kontrolle në shtëpi dhe kompjuterë dhe intervistuan mbi 250 dëshmitarë nga Rumania dhe disa vende të tjera. Po ashtu sekuestruan asete me vlerë 3.6 milionë euro për të kompensuar dëmin e shkaktuar në buxhetin e BE-së. Kompanitë gjithashtu mund të përballen me një gjobë dhe konfiskim të aseteve.
Zyra e Prokurorit Publik Evropian po heton aktualisht më shumë se 500 raste të dyshuara për mashtrim të lidhur me Fondin e Rimëkëmbjes dhe Rezistencës, të cilat vlerësohen në një total prej rreth 5 miliardë eurosh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
