Kryeministri izraelit Benjamin Netanyahu do të takohet me Presidentin e SHBA-së Donald Trump në Uashington të mërkurën për të diskutuar negociatat me Iranin, tha zyra e Netanyahut.
Kryeministri beson se çdo negociatë duhet të përfshijë kufizime mbi raketat balistike dhe një fund të mbështetjes për boshtin iranian.
Sipas gazetarit Barak Ravid, i cili citon një zyrtar të Shtëpisë së Bardhë, ishte kryeministri izraelit ai që kërkoi ta shtynte vizitën e tij në Shtëpinë e Bardhë me një javë më parë dhe të takohej me Presidentin Trump të mërkurën e ardhshme.
Izraeli druan se Trump mund të tërhiqet nga marrëveshjet e arritura me qeverinë e Tel Avivit përpara negociatave me Iranin, thanë zyrtarë izraelitë të cituar nga transmetuesi publik Kan.
“Irani dëshiron një marrëveshje”, deklaroi presidenti amerikan, duke njoftuar se bisedime të mëtejshme do të mbahen javën e ardhshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
