Tre adoleshentë kanë humbur jetën dhe pesë të tjerë janë plagosur pas një sulmi me armë zjarri në një shkollë të mesme në Filipinet qendrore. Ngjarja ndodhi të hënën në qytetin Tacloban, në ishullin Leyte. Sipas policisë, autorët e dyshuar janë dy të mitur, të moshave 14 dhe 15 vjeç, të cilët kanë qëlluar në mënyrë të rastësishme brenda ambienteve të shkollës.
Të dy janë arrestuar menjëherë pas ngjarjes. Pamje të publikuara nga mediat lokale tregojnë nxënës të tmerruar duke qarë dhe bërtitur, ndërsa ishin strehuar brenda klasave gjatë të shtënave.
Zëdhënësja e policisë, Evalyn Diaz, deklaroi se hetuesit po shqyrtojnë disa pista, mes tyre edhe mundësinë që ngjarja të ketë lidhje me raste bullizmi.
Autoritetet po hetojnë gjithashtu se si të miturit siguruan armët dhe si arritën t’i fusnin ato në shkollë. “Të dy të dyshuarit ndodhen ende në komisariat dhe po merren në pyetje në praninë e prindërve të tyre, pasi janë të mitur”, tha Diaz. Të shtënat në institucionet arsimore janë relativisht të rralla në Filipine.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
