Në një nga përmbysjet më të jashtëzakonshme në historinë politike moderne të SHBA-së, demokrati James Talarico ka fituar garën për Senatin amerikan në Teksas, duke thyer një dominim 38-vjeçar të republikanëve në këtë bastion konservator.
37-vjeçari, një ish-mësues shkolle dhe seminarist presbiterian, mposhti Prokurorin e Përgjithshëm të shtetit, Ken Paxton, një aleat mjaft i afërt i Donald Trump në një garë që kushtoi mbi 500 milionë dollarë.
Fitorja e Talarico-s jo vetëm që i jep një goditje të rëndë axhendës së Trump, por ndryshon plotësisht balancën e forcave në Senatin e Uashingtonit.
Gjatë fjalimit të tij të fitores në Austin, Talarico e krahasoi fushatën e tij me betejën biblike të Davidit kundër Goliathit, duke thumbuar hapur edhe miliarderin Elon Musk, i cili financoi fuqishëm fushatën e republikanëve.
"Populli i Teksasit ishte llastiku im dhe sonte e mundëm Goliathin. Sapo vërtetuam se paratë e botës nuk e blejnë dot popullin," deklaroi senatori më i ri i SHBA-së para turmës së ekzaltuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
