Miller: Askush nuk do të luftojë ushtarakisht kundër SHBA-ve për të ardhmen e Groenlandës

Një nga ndihmësit kryesorë të Donald Trump ka shtuar presionin mbi Danimarkën duke vënë në pikëpyetje pretendimin e Kopenhagenit ndaj Groenlandës, ndërsa udhëheqësit e fuqive të mëdha evropiane u mblodhën për të mbështetur territorin e Arktikut.

Stephen Miller, zëvendësshefi i stafit të Presidentit amerikan për politikat, pohoi se ndërhyrja ushtarake nuk do të ishte e nevojshme për të marrë kontrollin e ishullit sepse “askush nuk do të luftojë ushtarakisht kundër Shteteve të Bashkuara për të ardhmen e Groenlandës”.

Në një intervistë me CNN, Miller tha se ndërhyrja ushtarake nuk do të ishte e nevojshme për të fituar kontrollin mbi Grenlandën për shkak të popullsisë së saj të vogël.

Ai gjithashtu sugjeroi që Danimarka nuk ka të drejtë mbi territorin e Arktikut, i cili është një ish-koloni daneze dhe mbetet pjesë e mbretërisë së saj. 

Kopenhageni vazhdon të kontrollojë politikën e jashtme dhe të sigurisë së Groenlandës.

Pyetja e vërtetë është se çfarë të drejte ka Danimarka për të ushtruar kontroll mbi Groenlandën? Cila është baza e pretendimit të tyre territorial? Cila është baza e tyre për ta pasur Groenlandën si koloni të Danimarkës?

Ai shtoi: “SHBA-të janë fuqia e NATO-s. Që SHBA-të të sigurojnë rajonin e Arktikut për të mbrojtur NATO-n dhe interesat e NATO-s, padyshim që Groenlanda duhet të jetë pjesë e SHBA-së. Dhe kështu kjo është një bisedë që do ta zhvillojmë si vend. Ky është një proces që do ta zhvillojmë si një bashkësi kombesh.”

 Askush nuk do të luftojë ushtarakisht kundër SHBA-së për të ardhmen e Grenlandës. Kjo nuk ka asnjë kuptim.

Pas largimit të presidentit të Venezuelës, Nicolás Maduro, të shtunën, Donald Trump ka ripërtërirë thirrjet e tij që SHBA-të të marrin kontrollin e Groenlandës, duke shkaktuar zemërim dhe alarm në Evropë. Të martën, udhëheqësit e Francës, Gjermanisë, Italisë, Polonisë, Spanjës dhe Mbretërisë së Bashkuar iu bashkuan kryeministres daneze, Mette Frederiksen, në mbrojtje të sovranitetit të Groenlandës.