Francë, pesë të porsalindur gjenden të vdekur në shtëpinë e një çifti

Pesë trupa të të porsalindurve të vdekur u gjetën në shtëpinë e një çifti në Orange të Francës.

Policia gjeti mbetjet e të porsalindurve në shtëpinë e një çifti, ndërsa gruaja kishte lindur të hënën mbrëma një djalë të shëndetshëm.

Hetuesit zbuluan mbetjet mortore në kuti kartoni në një shtëpi në Orange, një qytet në rajonin Vaucluse, raportuan burime të shumta të cituara nga gazeta franceze Le Parisien.

Bashkëshorti i gruas, i cili nuk ishte në shtëpi kur ajo shkoi në spital, vendosi të kontrollonte kutitë në shtëpinë e tyre pas një debati rreth përmbajtjes së tyre. Atje thuhet se zbuloi një trup në dekompozim. Më pas, thuhet se burri e çoi trupin në spital, ku stafi njoftoi autoritetet.