Presidenti rus Vladimir Putin tha se Donald Trump po bën shumë për paqen botërore dhe kritikoi komitetin e Nobelit pasi ky i fundit refuzoi t’i jepte çmimin kryesor liderit amerikan.
Organizata norvegjeze ia dha çmimin e saj të famshëm për paqe udhëheqëses së opozitës venezueliane, Maria Corina Machado, të premten.
Njoftimi shkaktoi një kritikë nga Putini, i cili mbrojti homologun e tij amerikan dhe u tha gazetarëve të premten gjatë një vizite në Taxhikistan se besueshmëria e komitetit është humbur.
“Ka pasur raste kur komiteti i Nobelit ua ka dhënë çmimin njerëzve që nuk kanë bërë asgjë për paqen. Kjo ka dëmtuar prestigjin e çmimit”, tha Putin, pa përmendur emra.
Ndërsa ngurroi kur u pyet nëse mendonte se Trump e meritonte çmimin, Presidenti rus i cili aktualisht po zhvillon një luftë disavjeçare në Ukrainë dhe kërkohet nga Gjykata Ndërkombëtare Penale për krime lufte të dyshuara, tha se "Trump po bën shumë për të zgjidhur krizat që kanë zgjatur me vite, në disa raste dekada”.
“Trump sinqerisht synon paqen në Ukrainë”, tha Putin, duke shtuar se shembulli më i habitshëm i kredencialeve të tij paqebërëse është situata në Lindjen e Mesme.
Presidenti amerikan njoftoi të mërkurën se Izraeli dhe Hamasi kanë nënshkruar fazën e parë të një marrëveshjeje për t’i dhënë fund luftës në Gaza, dhe Izraeli deklaroi të premten se një armëpushim kishte hyrë në fuqi në enklavën e rrethuar.
“Nëse Donald ia del të arrijë gjithçka që synon, gjithçka për të cilën ka folur dhe është përpjekur të bëjë, do të jetë një moment historik”, tha Presidenti rus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
