Rreth 68 mijë familje në rajonin e Bretanjës, në Francën perëndimore, kanë mbetur pa energji elektrike pas një defekti në një transformator të shkaktuar nga temperaturat ekstreme.
Autoritetet lokale konfirmuan se incidenti ishte aksidental dhe lidhet me valën e fortë të të nxehtit që ka përfshirë vendin.
Finistère, një nga 58 rajonet franceze në alarm të kuq, po përballet me një nga ndërprerjet më të mëdha të energjisë që nga fillimi i valës së të nxehtit.
Ekipet e operatorëve të rrjetit po punojnë për rikthimin gradual të furnizimit, ndërsa është ngritur një njësi krizash për menaxhimin e situatës.
Vala e të nxehtit po shkakton probleme në mbarë Francën, ku janë raportuar të paktën 40 viktima nga mbytjet gjatë ditëve të fundit. Meteorologët paralajmërojnë se temperaturat rekord do të vazhdojnë edhe në ditët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
