Lëvizja islamiste palestineze Hamas, me hapjen e saj ndaj planit të Presidentit të SHBA-së Donald Trump për t’i dhënë fund luftës në Rripin e Gazës, ka treguar edhe një herë gatishmërinë e saj për paqe, siç ka bërë shumë herë në të kaluarën.
Kështu tha Presidenti turk Rexhep Tajip Erdogan gjatë një ceremonie në Stamboll, siç raportohet nga mediat turke.
“Kjo ka hapur një dritare mundësie për paqe të qëndrueshme në rajonin tonë. Tani është e mundur të ndalet gjakderdhja dhe të vendoset paqja, nëse të gjitha palët veprojnë me përgjegjësi. Një ndërprerje e menjëhershme e sulmeve izraelite është thelbësore”, shtoi Erdogan, duke theksuar se shpresat e sapolindura për paqe nuk duhet të lejohen të zbehen.
Turqia, shpjegoi ai, po punon intensivisht për të ndaluar gjenocidin në Gaza, duke mobilizuar të gjitha burimet e saj në çdo fushë, nga ndihma humanitare te kontaktet diplomatike.
Qëllimi, theksoi presidenti turk, “është të sigurohet që vëllezërit dhe motrat tona në Gaza të arrijnë paqen, qetësinë dhe sigurinë sa më shpejt të jetë e mundur”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
