Një studim i ri ngre shqetësime për ndikimin e “kimikateve të përjetshme” (PFAS) në shëndetin e kockave tek fëmijët. Këto substanca sintetike, të përdorura gjerësisht në produkte të përditshme si enët jo-ngjitëse, paketimet ushqimore dhe produktet e pastrimit, nuk shpërbëhen në mjedis dhe grumbullohen në trupin e njeriut.
Sipas kërkimit, ekspozimi ndaj PFAS në fëmijëri lidhet me densitet më të ulët të kockave në adoleshencë, veçanërisht në zonën e parakrahut. Një nga përbërësit më të studiuar, PFOA, rezulton të ketë ndikimin më të qëndrueshëm negativ, pavarësisht kohës së ekspozimit.
Shkencëtarët paralajmërojnë se kjo mund të pengojë arritjen e potencialit maksimal të densitetit kockor, duke rritur rrezikun për fraktura dhe osteoporozë në të ardhmen. Studimi, i realizuar me 218 fëmijë të ndjekur që nga lindja, sugjeron gjithashtu se ekspozimi gjatë moshës 8–12 vjeç mund të jetë veçanërisht kritik.
Megjithatë, ekspertët theksojnë se nevojiten studime më afatgjata për të konfirmuar ndikimet e plota, ndërsa rekomandojnë masa për reduktimin e ekspozimit, si filtrimi i ujit dhe shmangia e produkteve që përmbajnë PFAS.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
