Zyrat e Deutsche Bank në Frankfurt dhe Berlin janë bastisur nga autoritetet si pjesë e një hetimi për pastrim parash.
Në një deklaratë, Zyra e Prokurorit Federal tha se po zhvillon një hetim, së bashku me Zyrën Federale të Policisë Kriminale, ndaj “personave të panjohur dhe punonjësve” në bankën më të madhe të Gjermanisë.
Sipas deklaratës, Deutsche Bank ka “mbajtur marrëdhënie biznesi në të kaluarën me kompani të huaja”, të cilat dyshohet se “janë përdorur për qëllime të pastrimit të parave në kuadër të hetimeve të mëtejshme”.
Një zëdhënës i Deutsche Bank i konfirmoi BBC-së se kontrolle janë kryer në ambientet e bankës.
“Nuk mund të jepet asnjë informacion i mëtejshëm në lidhje me sfondin e marrëdhënieve të biznesit, transaksionet e përpunuara përmes Deutsche Bank AG, shtrirjen e tyre apo vetë kompanitë,” thuhet në deklaratën e zyrës së prokurorisë.
Mediat gjermane kanë raportuar se çështja mund të ketë lidhje të mundshme me miliarderin rus Roman Abramovich.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
