Ylli i njohur i reality show-t britanik “The Only Way Is Essex”, Jake Hall, është gjetur i vdekur në një vilë në Mallorca, në rrethana që autoritetet spanjolle po i trajtojnë si të dyshuara për aksidentale.
Sipas policisë, 35-vjeçari u gjet pa ndjenja në mëngjesin e së mërkurës në një shtëpi pushimi në Santa Margalida, në veri të ishullit. Ai kishte plagë në kokë, të cilat dyshohet se janë shkaktuar nga thyerja e xhamit, ndërsa hetuesit po shqyrtojnë mundësinë që ai të ketë goditur një derë xhami.
Në vilë ndodheshin edhe katër burra dhe dy gra, të cilët janë marrë në pyetje nga Garda Civile spanjolle, por deri tani nuk është bërë asnjë arrestim. Një autopsi pritet të përcaktojë shkakun e saktë të vdekjes.
Hall, i cili kishte kaluar shpesh kohë në Mallorca dhe zotëronte lidhje të forta me ishullin, kishte postuar së fundmi në rrjetet sociale nga pushimet e tij, duke reflektuar mbi jetën dhe krijimtarinë personale.
Produksioni i “The Only Way Is Essex” e përshkroi atë si pjesë të “familjes Towie” dhe shprehu ngushëllime për familjen dhe të afërmit e tij. Ai lë pas vajzën e tij, River.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
