Macron: Franca do të rekrutojë të rinj me aftësi të dobishme në rast lufte

Franca mund të rekrutojë të rinj me aftësi të dobishme në rast lufte.

Kështu tha të enjten presidenti francez Emmanuel Macron.

Megjithatë, Franca do të krijojë një shërbim ushtarak vullnetar që do të fillojë verën e ardhshme.

“Në rast të një krize të madhe, parlamenti mund të vendosë të thërrasë jo vetëm vullnetarë, por edhe ata, aftësitë e të cilëve janë identifikuar gjatë ditës së thirrjes ushtarake”, tha Macron në bazën ushtarake Varces në Alpet Franceze.

“Por, përveç këtij rasti të jashtëzakonshëm, ky shërbim kombëtar është një shërbim vullnetarësh të cilët më pas zgjidhen për të përmbushur nevojat e forcave tona të armatosura”, shtoi ai.

Që kur Rusia nisi pushtimin e saj në shkallë të plotë në Ukrainë, disa vende evropiane kanë rikthyer shërbimin ushtarak vullnetar dhe në rastin e Letonisë dhe Kroacisë, të detyrueshëm.