Irani kërcënon se do të mbyllë përsëri Ngushticën e Hormuzit nëse sulmohet

Irani kërcënon se do ta mbyllë përsëri Ngushticën e Hormuzit nëse sulmohet. 

Siç raportoi televizioni iranian, duke cituar një “burim të informuar mirë”, Teherani do ta mbyllë përsëri kalimin detar nëse merr sulme të reja.

 I njëjti burim madje thotë se Irani do të “godasë dyfishin e objektivave” nga sa infrastruktura e tij do të goditet. 

Më parë, Presidenti i SHBA-së Donald Trump e kërcënoi Iranin me sulme të reja ushtarake të mërkurën në mbrëmje.

“Sonte do t’i godasim fort”, u tha Trump gazetarëve në samitin e NATO-s në Ankara, Turqi, përpara takimit të tij me Presidentin ukrainas Volodymyr Zelensky. 

“Nëse është e nevojshme, ne do të shkatërrojmë infrastrukturën e tyre, objektet e tyre të energjisë dhe ujit, por nuk duam ta bëjmë këtë”, tha ai, ndërsa la të kuptohej se po shqyrtonte rivendosjen e bllokadës detare.

Gjatë paraqitjes së tij të përbashkët me Sekretarin e Përgjithshëm të NATO-s Mark Rutte, Trump tha gjithashtu: “Armëpushimi me Iranin, për mua, ka mbaruar. Nuk dua të kem më të bëj me ta”, përfundoi ai, duke e përshkruar udhëheqjen iraniane si “llum”, “të dhunshëm”, “gënjeshtarë” dhe “të çmendur”.