Qeveritë në mbarë botën po përpiqen të vendosin rregulla për Inteligjencën Artificiale, ndërsa rriten shqetësimet rreth përqendrimit të fuqisë kompjuterike në duart e disa gjigantëve të teknologjisë.
Duke folur në një aktivitet në Madrid mbi rregullimin e Inteligjencës Artificiale, Sanchez, një kritik i oligarkëve të teknologjisë, tha se qeveria e tij do të forcojë masat e sigurisë kibernetike për t’iu kundërvënë modeleve “agresive” të Inteligjencës Artificiale.
Ai prezantoi një plan 12-mujor që synon mbështetjen e zhvillimit të përgjegjshëm dhe rritjes ekonomike. Plani përfshin propozimin për të krijuar një njësi gjigante të Inteligjencës Artificiale, si dhe modele të reja të zhvilluara në bashkëpunim me Qendrën e Superkompjuterëve të Barcelonës për aplikime në sektorët e klimës, shëndetit dhe energjisë.
Sanchez theksoi se qendrat e të dhënave duhet të përmbushin standarde të larta mjedisore dhe energjetike, duke siguruar njëkohësisht autonominë e të dhënave dhe duke ofruar përfitime për komunitetet lokale.
Ne duhet ta zhvillojmë këtë teknologji jo në mungesë të qytetarëve... por në një mënyrë që ata ta perceptojnë atë si një mundësi dhe jo si një mjet për të shteruar burimet e tyre të kufizuara. Inteligjenca artificiale, nuk mund të vetërregullohet.
Deklaratat e Sanchez erdhën disa ditë pasi krerët e laboratorëve kryesorë amerikanë të Inteligjencës Artificiale kërkuan një ngadalësim në zhvillimin e teknologjisë, duke paralajmëruar se ajo së shpejti mund të përmirësohet në mënyrë autonome dhe t’i shpëtojë kontrollit njerëzor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
