Njihuni me qytetet më të mira për ata që duan të udhëtojnë vetëm

Një renditje e re për udhëtimet vetëm ka bërë një vlerësim të qyteteve më të vizituara në Europë duke parë gjëra të tilla si kostot e akomodimit dhe perceptimi i sigurisë.

Udhëtimet vetëm duket se janë vazhdimisht në rritje, por marrja e vendimit për të bërë udhëtimin e parë vetëm nuk është e lehtë. 

Po mendoni të shkoni jashtë shtetit vetëm këtë vit? Atëherë mund t’i hidhni një sy Indeksit të Udhëtimit Solo të publikuar së fundmi nga Radical Storage.

I krijuar duke analizuar 48 qytetet më të vizituara në Evropë kundrejt 11 faktorëve, indeksi vlerëson gjëra të tilla si shpenzimi mesatar ditor për person, rezultati i sigurisë nga Numbeo, si dhe numri i hosteleve, një shtyllë kryesore e udhëtimeve vetëm.

Çdo faktor u vlerësua midis një dhe 10 bazuar në krahasimin e qytetit me të tjerët, dhe 11 rezultatet u mesatarizuan më pas për të krijuar një rezultat të përgjithshëm.

Qytetet më të mira për udhëtime solo në Evropë

Pas gjithë asaj analize të shifrave, kryeqyteti i Çekisë, Praga, doli në krye, me një çmim ditor mesatar prej 134.33 eurosh për akomodim, ushqim, transport dhe argëtim, dhe me rezultatin e tetë më të lartë të sigurisë në listë.

Vendi i dytë është për Krakovën në Poloni, qyteti i dytë më i lirë në renditje, ndërsa Stambolli në Turqi u rendit i treti falë çmimeve të shtretërve, të cilat ishin më të ulëtat nga çdo qytet tjetër i marrë në konsideratë.

Gdansku në Poloni u rendit në vendin e pestë. Krahas Polonisë, si Portugalia ashtu edhe Spanja kishin nga dy vende në 10 vendet e para secila, Lisbona, e katërta, dhe Porto, e shtata, Sevilja e teta dhe Barcelona e nënta, ndërsa Riga në Letoni, e dhjeta.

10 qytetet më të mira evropiane për udhëtime vetëm

Pragë, Çeki

Krakov, Poloni

Stamboll, Turqi

Lisbonë, Portugali

Gdansk, Poloni

Berlin, Gjermani

Porto, Portugali

Sevilje, Spanjë

Barcelonë, Spanjë

Riga, Letoni

Qytetet më të këqija për udhëtime vetëm në Evropë

Nga ana tjetër, Zyrihu u emërua qyteti më i keq në Evropë për udhëtime solo për shkak të çmimeve të larta, me akomodim që kushton 168.13 euro në ditë, më i larti në studim, ndërsa ka edhe kostot e dyta më të larta të ushqimit dhe kostot e treta më të larta të transportit.

Reykjavik në Islandë u rendit i dyti nga fundi, i ndjekur shpejt nga Venecia. Përsëri, të dy qytetet u penguan nga çmimet e tyre më të larta, të cilat ndikojnë në udhëtarët solo që nuk do të ndajnë kostot e akomodimit.

Sipas Radical Storage, një ditë në 10 qytetet e renditura më keq kushton mesatarisht 252 euro në ditë, gati 100 euro më shumë se në 10 qytetet e para, ku mesatarja është 153 euro.

10 qytetet më të këqija evropiane për udhëtarët solo

Zyrih, Zvicër

Reykjavik, Islandë

Venecia, Itali

Aarhus, Danimarkë

Këln, Gjermani

Gjenevë, Zvicër

Frankfurt, Gjermani

Nisë, Francë

Marsejë, Francë

Dublin, Irlandë