Një valë e paprecedentë migratore ka goditur enklavën spanjolle të Ceutës, ku rreth 60 mijë emigrantë kanë hyrë nga Maroku brenda pak ditësh. Sipas autoriteteve dhe mediave lokale, të paktën 57 persona kanë humbur jetën gjatë përpjekjes për të kaluar kufirin.
Kryeministri i Spanjës, Pedro Sánchez, fajësoi rrjetet e trafikimit të qenieve njerëzore, duke thënë se ato keqinterpretuan një vendim të Gjykatës Supreme dhe nxitën mijëra njerëz të ndërmerrnin kalimin drejt territorit spanjoll.
Ai e cilësoi situatën si një "shkelje të integritetit territorial të Spanjës" dhe njoftoi masa për forcimin e sigurisë në kufirin me Marokun.
Autoritetet spanjolle bëjnë të ditur se mbi 48 mijë emigrantë janë kthyer vullnetarisht në Marok, ndërsa ushtria është dislokuar në Ceuta dhe Melilla për të përballuar situatën. Mes të mbërriturve ka mijëra të mitur, si edhe gra e fëmijë.
Kriza ka shkaktuar reagime të forta në Evropë. Italia ka pezulluar përkohësisht zbatimin e marrëveshjes Shengen me Spanjën për fluturimet, ndërsa disa liderë evropianë kanë kërkuar masa më të ashpra për mbrojtjen e kufijve të jashtëm të BE-së.
Nga ana tjetër, Komisioni Evropian ka bërë thirrje për një reagim të koordinuar dhe ndalimin e menjëhershëm të fluksit të pakontrolluar të emigrantëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
