Kryeqyteti indian Delhi po përballet me një valë ekstreme të të nxehtit, ku temperaturat e ajrit kanë kaluar mbi 40°C për javë të tëra. Sipas Indian Meteorological Department, temperatura maksimale arriti deri në 43.5°C, por matjet në terren tregojnë një realitet shumë më të ashpër.
Një ekspeditë e realizuar nga Greenpeace India dhe e dokumentuar nga BBC përdori kamera termike, duke zbuluar se temperaturat sipërfaqësore në rrugë, beton dhe automjete arrijnë deri në 64°C.
Diferenca vjen nga fakti se matjet zyrtare tregojnë temperaturën e ajrit, ndërsa sipërfaqet urbane nxehen shumë më tepër nën diellin e drejtpërdrejtë.
Gjatë vëzhgimeve në zona të ndryshme të qytetit, nga mbikalimet e trafikut deri te tregjet dhe lagjet e banimit, u vu re se mungesa e hijes dhe gjelbërimit rrit ndjeshëm rrezikun për shëndetin.
Banorët dhe shitësit ambulantë raportojnë lodhje ekstreme, marramendje dhe vështirësi për të fjetur, ndërsa mjekët paralajmërojnë për rrezikun e goditjes nga nxehtësia dhe dëmtimeve serioze të organizmit.
Rasti tregon qartë ndikimin e urbanizimit dhe ndryshimeve klimatike në jetën e përditshme, sidomos për ata që punojnë në ambiente të hapura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
