Putin: Testuam raketën nëndetëse Poseidon, asgjë e ngjashme në botë me të

Presidenti Vladimir Putin tha se Rusia testoi raketën nëndetëse me energji bërthamore Poseidon, duke thënë se nuk ka asgjë të ngjashme në botë me të.

Dje kryem një provë tjetër të një sistemi tjetër premtues, mjetit nënujor pa pilot Poseidon. Testi i Poseidonit ishte një sukses i madh. 

 

Për herë të parë, ne arritëm jo vetëm ta lëshonim nga një nëndetëse duke përdorur motorin e saj përforcues, por edhe të ndiznim centralin bërthamor, i cili e furnizoi me energji mjetin për një periudhë të caktuar kohore. 

 

Poseidon është unik për sa i përket shpejtësisë dhe thellësisë së lëvizjes. Nuk ka asgjë të ngjashme me të në botë, rivalët e tij nuk ka gjasa të shfaqen së shpejti dhe nuk ka metoda ekzistuese përgjimi.

 

Nuk ka rraketa si Sarmat në botë. Ne ende nuk kemi një të tillë në shërbim. Por së shpejti do të jetë funksionale. Mjeti nënujor Poseidon është dukshëm më i fuqishëm se Sarmat.

 

Gjatë një vizite në Spitalin PV Mandryka të Moskës, Putin foli me të plagosurit rusë të luftës dhe u tha gazetarëve se Forcat e Armatosura Ruse po përparojnë dhe po veprojnë në mënyrë proaktive në të gjitha frontet e luftës kundër Ukrainës. 

“Situata e përgjithshme në zonën e operacioneve speciale po zhvillohet në mënyrë të favorshme për ne”, vuri në dukje Putin.

Presidenti rus i bëri thirrje Kievit të vendosë për dorëzimin e trupave ukrainase, të cilat Moska pretendon se janë të rrethuara në zonat e Pokrovsk dhe Kupyansk.