Laplanda finlandeze, e njohur si vendlindja e Babagjyshit të Vitit të Ri dhe për peizazhet e saj magjepsëse, po u ofron turistëve një aventurë të pazakontë verore: kërkimin e një shufre ari me vlerë 20 mijë euro.
Aktiviteti, i quajtur “Gjuetia e Diellit të Mesnatës”, do të nisë më 18 qershor në Levi, një nga destinacionet më të njohura turistike në veri të Finlandës. Pjesëmarrësit do të ndjekin një seri të dhënash të shpërndara nëpër shtigje, atraksione dhe monumente lokale, me qëllim gjetjen e arit të fshehur.
Organizatorët bëjnë të ditur se të dhëna të reja do të publikohen gjatë gjithë verës, ndërsa pista e fundit do të zbulohet më 22 gusht. Nisma synon të promovojë bukuritë verore të Laplandës, e cila gjatë kësaj periudhe përjeton fenomenin e diellit të mesnatës dhe dritë pothuajse 24 orë në ditë.
Gjuetia organizohet nga Visit Levi në bashkëpunim me kompaninë minerare Agnico Eagle Finland dhe Levi Ski Resort, ndërsa pjesëmarrësit këshillohen të respektojnë natyrën dhe të mos dëmtojnë terrenin gjatë kërkimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
