Një sulm i dyshuar rus me ndërhyrje që ka pasur si target Presidenten e Komisionit Evropian, Ursula von der Leyen, u çaktivizua të dielën pasdite shërbimet e navigimit GPS në një aeroport bullgar dhe detyroi aeroplanin e presidentes së Komisionit Evropian të ulej duke përdorur harta letre.
Lajmi raportohet nga “Financial Times”.
Avioni po transportonte von der Leyen nga Varshava në Plovdiv dhe iu hoqën sistemet e tij të navigimit elektronik ndërsa po i afrohej aeroportit të qytetit. Tre zyrtarë të informuar mbi incidentin e quajtën atë një operacion ndërhyrjeje ruse, raporton FT.
"GPS-i i të gjithë zonës së aeroportit u errësua", tha njëri prej zyrtarëve. Pasi rrethoi aeroportin për një orë, piloti i aeroplanit vendosi të ulej manualisht duke përdorur harta analoge, shtuan ata. Pretendohet se "kjo ishte ndërhyrje e pamohueshme".
Në vitet e fundit, incidentet që lidhen me bllokimin e sinjalit GPS janë rritur ndjeshëm në Detin Baltik dhe në shtetet fqinje të Evropës Lindore me Rusinë, duke prekur avionët. Pas vizitës, von der Leyen u largua nga Plovdivi me të njëjtin aeroplan pa incidente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
