Pres me padurim të jem në Kinë, një vend i jashtëzakonshëm, me një udhëheqës - Presidentin Xi, të respektuar nga të gjithë. Gjëra të mëdha do të ndodhin për të dy vendet!
Kështu shkroi Presidenti amerikan Donald Trump në rrjetin social Truth në prag të nisjes së tij për në Pekin.
Vizita pritet të shihet si një përpjekje për të forcuar komunikimin mes dy fuqive më të mëdha ekonomike dhe ushtarake në botë, ndërsa tensionet tregtare, teknologjike dhe gjeopolitike vazhdojnë të ndikojnë raportet mes vendeve.
Trump ka mbajtur shpesh një qëndrim të fortë ndaj Kinës gjatë viteve të fundit, veçanërisht për çështjet e tregtisë, industrisë teknologjike dhe konkurrencës ekonomike.
Megjithatë, deklarata e fundit tregon një ton më diplomatik dhe më të afërt me liderin kinez Xi Jinping, me të cilin ai ka pasur marrëdhënie të luhatshme gjatë mandatit të tij presidencial.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
