Një super El Niño i nivelit "Godzilla" pritet të sjellë një valë vdekjeprurëse nxehtësie ekstreme, duke kërcënuar jetën e mbi 450,000 njerëzve në mbarë globin gjatë periudhës shtator- shkurt 2027.
Raporti alarmues nga Laboratori i Ndikimit të Klimës paralajmëron se ky fenomen natyror, i përkeqësuar ndjeshëm nga kriza klimatike, po regjistron temperaturat më të larta të historisë përpara se të arrijë kulmin e tij.
Goditjen më të rëndë pritet ta pësojnë rajonet tropikale, ku vendet më të rrezikuara janë Nigeria, Indonezia, Sudani, India dhe Brazili. Ndikimi shtrihet fort edhe në SHBA, ku parashikohen rreth 3,500 vdekje shtesë.
Përveç nxehtësisë direkte, bota do të përballet me pasoja shkatërruese si zjarre, përmbytje dhe thatësira, teksa Programi Botëror i Ushqimit alarmon se kriza mund të shtyjë rreth 50 milionë njerëz drejt urisë akute.
Shkencëtarët bëjnë thirrje për masa emergjente të menjëhershme, si ngritja e qendrave të ftohjes dhe forcimi i kapaciteteve mjekësore, për të shpëtuar sa më shumë jetë përpara se këto temperatura ekstreme të kthehen në normalitetin e ri të planetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
