Autoritetet japoneze njoftuan se reshjet jashtëzakonisht të dendura të dëborës kanë vrarë 30 persona në dy javët e fundit në Japoni, mes tyre një grua 91-vjeçare e cila u gjet e fundosur në dëborë përpara shtëpisë së saj.
Qeveria japoneze dërgoi personel ushtarak për të ndihmuar banorët në prefekturën Aomori, e cila është më e goditura, deri në 4.5 metra borë është grumbulluar në zona të izoluara.
Kryeministrja Sanae Takaichi thirri të hënën një mbledhje urgjente të kabinetit të saj dhe kërkoi që ministrat të bëjnë gjithçka që është e mundur për të mbrojtur jetën e qytetarëve.
Masat e forta të ftohta të ajrit kanë shkaktuar reshje të dendura dëbore në javët e fundit përgjatë brigjeve të Detit të Japonisë, ku disa zona kanë regjistruar më shumë se dyfishin e vëllimeve normale për sezonin.
Nga 20 janari deri më sot, 30 persona kanë vdekur për shkak të reshjeve të borës, sipas Agjencisë Japoneze të Menaxhimit të Zjarrfikësve dhe Fatkeqësive.
Midis tyre ishte China Jin, 91 vjeçe, trupi i së cilës u gjet i groposur në tre metra dëborë përpara shtëpisë së saj në Aomori, tha një oficer policie në zonë për AFP-në.
Policia beson se dëbora shkaktoi shembjen e çatisë së shtëpisë së saj dhe e groposi të moshuarën duke i shkaktuar vdekjen nga asfiksia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
