Një shpërthim i fuqishëm i një makine në periferi të Moskës shkaktoi vdekjen e Damir Davydov, kreu i Drejtorisë Kryesore të Raketave dhe Artilerisë në Ministrinë e Mbrojtjes së Rusisë
Ngjarja ndodhi në Balashikha, në lindje të Moskës, dhe u konsiderua m nga autoritetet ruse si një atentat i planifikuar.
Sipas hetuesve rusë, një mjet shpërthyes i improvizuar ishte vendosur në një automjet të parkuar pranë një kompleksi banimi. Pajisja u aktivizua në momentin kur Davydov hipi në makinë.
Shpërthimi ishte aq i fortë sa dëmtoi automjetet dhe ndërtesat përreth, ndërsa gjenerali humbi jetën në vendngjarje. Autoritetet deklaruan se bomba ishte e mbushur me copëza metalike për të rritur fuqinë vdekjeprurëse të sulmit.
Menjëherë pas sulmit, zyrtarët rusë sugjeruan se atentati mund të ishte organizuar nga shërbimet sekrete ukrainase.
Që nga fillimi i luftës në Ukrainë, disa zyrtarë ushtarakë dhe figura pro-Kremlinit janë bërë objekt atentatesh me bomba ose sulme të ndryshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
