Një burrë 60-vjeçar goditi me thikë dhe plagosi dy turistë greko-amerikanë këtë të martë në mëngjes pranë Akropolit të lashtë në Athinë.
Sipas raportit policor, burri 53-vjeç pësoi një plagë të rëndë në krah dhe gruaja 48-vjeçare u plagos më lehtë në këmbë por fatmirësisht asnjë nga plagët e tyre nuk u raportua të ishte kërcënuese për jetën.
Sulmuesi u ndalua menjëherë në vendngjarje dhe sipas policisë dukej se vuante nga probleme psikologjike dhe se dyshohet se kishte kërcënuar rastësisht kalimtarët me thikë.
Sulmet e dhunshme në rrugë janë të rralla në Greqi.
Në prill, autoritetet arrestuan një burrë 89-vjeçar i cili dyshohet se hapi zjarr me një pushkë gjahu në një zyrë të sigurimeve shoqërore dhe në një gjykatë në qendër të Athinës, duke plagosur të paktën katër persona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
