Amsterdami ka vendosur të ndalojë përdorimin e biçikletave elektrike me goma të mëdha në Vondelpark, një nga parqet më të frekuentuara të qytetit, pas rritjes së ndjeshme të ankesave nga banorët.
Këto biçikleta elektrike, të cilat kanë goma shumë të trasha dhe përmasa më të mëdha se biçikletat e zakonshme, janë bërë shumë popullore mes të rinjve në Holandë.
Megjithatë, autoritetet lokale thonë se shumë prej tyre modifikohen ilegalisht për të arritur shpejtësi tepër të larta.
Sipas Melanie van der Horst, zv.kryetares së bashkisë së Amsterdamit, numri i ankesave për këto mjete ka kaluar nga rreth 20 disa vite më parë në mbi 2 mijë aktualisht.
Ndërkohë, një peticion kundër “çiklistëve agresivë” ka mbledhur rreth 2400 firma, me qytetarët që ankohen se korsitë e biçikletave dhe trotuaret janë bërë të pasigurta.
Bashkia thekson se, ndërsa biçikletat elektrike të zakonshme arrijnë deri në 25 km/h, shumë nga këto biçikleta me goma të mëdha janë modifikuar për të lëvizur me 50 deri në 60 km/h, duke shtuar rrezikun e aksidenteve në zonat e mbushura me njerëz dhe turistë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
